عزومه اخوات جوزى
عزومه اخوات جوزى قصه مشوقه جداا
انا متجوزه بقالي ٩ ايام جوزي جه امبارح الصبح بيقولي ايه رأيك نعزم اخواتي البنـات بكرا بعد الصلاه علي النهـارده يعني قبـل ما يمشوا يروحوا قولتله هو ماما جايبه الخزين لينا ولا لاخواتك وبعدين عروسه ايه اللي هتعزم قالي ما كان رغده اختي هتطلع تساعدك قولتله لا معلش سكت وقالي عندك حق انا كفيل باخواتي وابويا وامي
نزل لقيته راجع بمكرونه أقلام ولحمه مفرومة ولحمه عاديه و٤ فرخات وخـضره وطماطم ونزل بليل جاب كرنب من ناس جيرانهم فـلاحين ورن علي اخته لقيتها مطلعه مع ابنها بتنجان وكوسه متقوره وجاب كل دا ومقلش ليا اي حـاجه خالص قولتله انت بتحطني قدام امر واقع طيب مش هعمل حـاجه برضوا
الا بمزاجي ضحك وقالي خالي مزاجك علي جنب وقعد غسل الفراخ ونقعها بمياه وملح وليمون كانه عارف بتتعمل ازاي وبعد الفـجـر لقيته صحي صلي الفـجـر ولقيته بيخبط بالمطبخ ودخـل سألني الخلاط دا بيشتغل ازاي خرجت عرفته وقولت والله لا اسيبك تحتـاس وتدخـل تتحايل عليا وحطيت اغي علي المخده روحـتـ في النوم صحيت الساعه ١٠ ونصف كدا لقيته عامل اللي عمره ما جه علي بالي عامل الفراخ صنيه وصنيتين مكرونه باشميل وسلق الكرنب يه والبتنجان والكوسه وفـلـفـل وسوي الاكل ونزل جاب اخواته البنات برجالتهم بعيالهم وابوه وأمه وأخوه
وأخواته وانا شلنا السفره وغسلت اخته الحـاجات وانا عملت شاي وقعدوا ساعه ومشيوا لانه اخواته متجوزين ولاد خاله في بني سويف وبعد ما مشيوا به وبقوله علي كدا لو عزمت بابا وماما هتعمل معـاهم كدا انا قولت هيقولي انا مالي واقلب الطربيزه عليه
قالي وافرش ليهم الأرض ورد كمان اصل ولاد الأصول محدش يعدل عليهم وقالي خلي بالك مش هكمل اجازه ال ٣ شهور احـتـمال اسافر علي اخر الشهر
ومعرفتش اقلب الطربيزه عليه وبيكل عادي ويضحك ولا كان في حـاجه ونزل بعد العشا عند امه وخرج قعد مع اخوه وابن عمه في الكافيه وانا قاعده لحد دلوقتي بهري في نفسي اعمل ايه علشان اطلع من الموقف دا
