قصة سوري كيف خسر اعز الناس على قلبه

رح احكيلكن تجربتي البشعة بالسفر الى المانيا وكيف خسړت اعز الناس على قلبي يلي هيا امي 💔
القصة :
انو طلعنا من الشام ع لبنان ومن لبنان طلعنا ع تركيا منشان نكمل على ألمانيا مثلنا مثل هلعالم لانو بوقتا ساء الوضع كثير بالشام وفعلا وصلنا تركيا ووقت صار وقت ..

خبرنا  نكون جاهزين وطلعنا ع اليونان بالبلم عن طريق المي واحنا صرنا يعني ع حدود الجزيرة اليونانية بلش الموج يلعب فينا وكانت الدنيا مطر كثير والبلم بلش يصير في مي وعم يغرق شوي شوي انا ومعي مرتي وهيا حامل بالشهر 7 وامي عمرها 67 سنة .

هون خلص غرقنا ونزلنا ع المي، أمي عم تناديلي لك عمار عمار رح مۏت يا ابني تعال طالعني لك مو قلتلك خلينا بالشام يا امي و قلتلا تحملي امي راجعلك

والله وهيا صارت بعيدة عليي شي 10 متار وانا عم ادفش مرتي منشان وصلها وارجع لأمي وصلت مرتي ورجعت 

الصوت لحد الان عم اسمعو بالليل اقسم بالله من 3 سنين ولهلق عم حس بالذنب يا امي والله
سامحيني أمانة لأني انا السبب
بوقتها ما عرفت شو ساوي ولهلق عڈاب الضمير ما عم يفارقني