ازاى اداوى قلب مراتي
ازاي اداوي قلب مراتي بعد ما تزوجت عليها بقالي سنتين متزوج مش قادرة تسامح ولا رجعت معايا زي الاول بتفضل ټعيط وتقولي أنا لو عندي مصدر دخل وأقدر اصرف ع نفسي كنت خدت عيالي واطلقت وارتحت بس هي مش بتشتغل ويتيمة..
بحاسس انها مش طيقاني وقرفانة وبعدها بشوفها بتفضل ټعيط..حاولت اسيبها براحتها وابعد عنها بس مقدرتش عشان لسه بحبها
أنا نفسي ترجع معايا تاني زي زمان عملت كل اللي اقدر عليه جبتلها هدايا كتير صالحتها بكل الطرق مفيش فايدة..
جربت طريقة تانية اني ابعد عنها واسيبها واقعد عند التانية يمكن تغير عليا لقيتها مش فارق معايا ولا سألت عليا كانت بتكلمني عشان المصاريف بس
هي بقت پتكرهني وبقيت بحس بكرهها ليا ف اي موقف بتقولي قلبي قفل منك ومعاك عشان الظروف جبراني ع كده بس وانا مجروح ونفسي ترجع تحبني تاني كانت ضحكتها ليا بتهون عليا كتير ومش قادر اعوض ده مع زوجتي التانية اكتر من سنتين ع الحال ده ايه الحل
